У пятніцу ў Беларусі чакаецца да +16 градусаў

• 15.04.2021, 18:09

Будзе пераважаць воблачнае надвор'е.

Да 16 градусаў цяпла чакаецца ў Беларусі 16 красавіка, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У пятніцу чакаецца пераважна хмарнае надвор'е. На большай частцы тэрыторыі краіны пройдуць дажджы, днём у асобных раёнах магчымыя навальніцы. Ноччу і раніцай месцамі прагназуецца слабы туман. Вецер будзе паўночна-ўсходні, усходні 5–10 м/с, парывы да 14 м/с.

Тэмпература паветра ўначы будзе плюс 4-9 градусаў. Днём тэмпература паветра будзе вагацца ад плюс 8 па паўднёвым захадзе да плюс 16 градусаў па паўночным усходзе.