У чацвер у Беларусі чакаецца да +16 градусаў

• 14.04.2021, 18:04

Будзе пераважаць воблачнае надвор'е.

Дождж, навальніцы, слабы туман чакаюцца ў Беларусі 15 красавіка, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У чацвер будзе пераважаць воблачнае надвор'е. Часам пройдуць дажджы, ноччу і раніцай па захадзе краіны магчымы мокры снег. Днём месцамі па ўсходзе краіны чакаюцца моцныя дажджы, магчымыя навальніцы. У начныя і ранішнія гадзіны ў асобных раёнах прагназуецца слабы туман. Вецер паўночна-ўсходні, паўночны 4-9 м/с, днём парывы да 14 м/с.

Тэмпература паветра ўначы складзе плюс 2-8 градусаў. Днём будзе ад плюс 6 па паўночным захадзе да 16 градусаў цяпла па паўднёвым усходзе краіны.