Польшча падаўжае жорсткі локдаўн, але з невялікімі паслабленнямі

• 14.04.2021, 14:02

Асноўныя абмежаванні падоўжаныя на тыдзень.

Урад Польшчы падоўжыць жорсткі локдаўн у краіне яшчэ на тыдзень - да 25 красавіка, аднак яслі і дзіцячыя садкі адновяць работу, таксама будуць дазволеныя групавыя заняткі спортам на свежым паветры.

Як стала вядома сайту Charter97.org з польскіх СМІ, пра гэта на прэс-канферэнцыі паведаміў кіраўнік Міністэрства аховы здароўя Польшчы Адам Нядзельскі.

"Мы пастанавілі падоўжыць цяперашнія абмежаванні яшчэ на тыдзень. Гэта прадаўжэнне мае адно выключэнне. Яно тычыцца дзіцячых садкоў і ясляў, то бок, з наступнага панядзелка (19 кастрычніка - рэд.) дзеці змогуць іх наведваць", - адзначыў Нядзельскі.

Акрамя таго, дазволеныя заняткі спортам на свежым паветры ў групах да 25 чалавек.

Кіраўнік Міністэрства аховы здароўя Польшчы дадаў, што гатэлі і хостэлы не будуць працаваць да 3 траўня. Гэтае пастанова прынятая ў святле набліжэння травеньскіх святаў і жадання многіх палякаў падарожнічаць цягам некалькіх выходных, што можа прывесці да ўсплёску інфікавання.

Як вядома, жорсткі локдаўн у Польшчы ўведзены з 27 сакавіка.