У Пецярбургу загарэўся будынак «Неўскай мануфактуры»

• 12.04.2021, 15:35

Ён быў пабудаваны ангельскім купцом у 1841 годзе.

У Санкт-Пецярбургу адбыўся пажар у будынку ў Неўскім раёне горада, паведамілі РБК ва ўправе МНС у горадзе.

«Дванаццатага красавіка а 12:35 паступіла паведамленне аб пажары на адрасе: Неўскі раён, Кастрычніцкая набярэжная, дом 50», - паведамілі ратавальнікі. Са звестак сэрвісу «Яндэкс.Карты», на гэтым адрасе размешчаны будынак фабрыкі «Неўская мануфактура».

Паводле папярэдняй інфармацыі, агонь ахапіў чацвёрты-пяты паверхі будынка. Звесткі аб пацярпелых на гэты момант не паступалі.

«А 13:13 ранг пажару падвышаны да нумара пяць», - дадалі ў МНС. Гэта найвышэйшы ранг пажару.

Фабрыку заснаваў ангельскі купец Джэймс Торнтан у 1841 годзе. У 1918 годзе яе нацыяналізавалі і закансервавалі. У 1921 годзе будынак перайменавалі ў дзяржаўную фабрыку ваўняных вырабаў «Чырвоны ткач» трэсту «Петратэкстыль». З 1992 года будынку вярнулі назва - «Неўская мануфактура». Цяпер большую частку плошчаў завод здае ў арэнду