Што адбываецца на «Кастрычніцкай» у Менску

• 11.04.2021, 19:29

Сотні менчукоў нясуць кветкі да месца трагедыі.

Сёння па ўсёй Беларусі людзі ўспамінаюць пра дзясятую гадавіну тэракту ў менскім метро, паведамляе «Радыё Свабода». Сотні менчукоў нясуць белыя і чырвоныя кветкі да месца трагедыі.

Журналісты адзначаюць, што ўвечары ахвотных ушанаваць памяць стала яшчэ больш, чым было ўдзень.

Адзначым, што сёння актывісты правялі шэраг акцый, нагадаўшы ўладам, што беларусы памятаюць і ведаюць, хто вінаваты ў выбуху ў метро.