Вайсковая хунта М'янмы назвала тэрміны правядзення «выбараў»
- 10.04.2021, 12:17
Дата агучаная ўпершыню.
У М'янме вайсковая хунта заявіла, што правядзе «выбары» на працягу двух гадоў. Пра гэта паведамляе Reuters.
Абвешчаны тэрмін з'яўляецца першым пасля таго, як вайскоўцы захапілі ўладу 1 лютага і арыштавалі прэзідэнта.
Прадстаўнік хунты брыгадны генерал Зоў Мін Тун заявіў на прэс-канферэнцыі ў сталіцы Нейпьіта, што краіна «вяртаецца да нармальнага жыцця», і неўзабаве ўрадавыя міністэрствы і банкі адновяць паўнавартасную працу.
У той жа час, мясцовыя навінавыя агенцтвы паведамілі, што ў пятніцу ў горадзе Баго, войскі абстралялі з вінтовак дэманстрантаў, якія выступаюць супраць перавароту. Прынамсі 10 чалавек былі забітыя.