Медыкі назвалі найлепшую садавіну для «амаладжэння» мозгу
- 7.03.2021, 13:45
Асабліва карысны яе сок.
Даследнікі пацвярджаюць уласцівасць цытрусаў абараняць мозг ад узроставага разбурэння – рэгулярнае піццё апельсінавага соку яны ацэньваюць як адзін са спосабаў знізіць рызыку дэменцыі, піша healthinfo.ua.
Узроставая дэградацыя мозгу асацыюецца з дэменцыяй – дэстабілізоўным станам, папераджальнымі сімптомамі якога з'яўляюцца страта памяці і запаволенне хуткасці разумовых працэсаў. На жаль, ад дэменцыі няма лекаў, але даследаванні сведчаць: мы можам знізіць рызыку ўзроставага кагнітыўнага заняпаду, умацаваўшы ахоўныя сілы мозгу.
Новы агляд даследаванняў, апублікаваны часопісам Frontiers in Neuroscience, сведчыць, што спажыванне цытрусавых і іх соку (у першую чаргу навукоўцы вылучаюць апельсінавы сок) здольнае паляпшаць паказнікі мазгавой актыўнасці, асабліва ў перыяд старэння.
«Хоць не існуе даказанага спосабу лячэння дэменцыі, гэтыя звесткі пацвярджаюць: выпіваючы штодня шклянку апельсінавага соку, можна паменшыць схільнасць галаўнога мозгу да ўзроставых нейрадэгенератыўных працэсаў», – піша часопіс
Вывучэннем пытання пра ўплыў на мозг цытрусаў займаліся навукоўцы з Універсітэта Усходняй Англіі ў Норвічы. Яны супаставілі вынікі сотні даследаванняў на тэму ўздзеяння рэчываў флаваноідаў, якія ўтрымліваюцца ў цытрусавых пладах, на клеткі мозгу і нервы, а таксама вынікі дзесяці даследаванняў з выпрабаваннямі на людзях. Спецыялісты прыйшлі да высновы, што флаваноіды, якія натуральным чынам сустракаюцца ў апельсінах, цытрынах, лайме і грэйпфрутах, валодаюць супрацьзапаленчымі і антыаксідантнымі ўласцівасцямі ў дачыненні да тканак мозгу. Гэта добра абараняе іх ад пашкоджанняў, магчымых, напрыклад, праз старэнне або асноўныя захворванні.
«Пашкоджанне мозгу і нервовых клетак з'яўляецца прыкметай дэгенератыўных станаў, як хвароба Альцгеймера і ўзроставае кагнітыўнае зніжэнне. Даследаванні на людзях паказваюць, што ўжыванне цытрусавых паляпшае кагнітыўныя здольнасці і зніжае рызыку дэгенератыўных захворванняў мозгу. Мы бачым аналагічныя эфекты як у здаровых людзей, так і ў людзей з ужо існымі неўралагічнымі парушэннямі», – паведаміў старэйшы навуковы супрацоўнік Норвіцкай медыцынскай школы доктар Дэвід Возур.
Іншы спецыяліст, доктар медыцыны Кэры Ракстан дадае, што апельсінавы сок і цытрусавыя плады з'яўляюцца багатай крыніцай вітаміну С і рэчыва гесперыдын – навукоўцам добра вядома пра станоўчы ўплыў гэтых кампанентаў на судзінную сістэму і артэрыяльны ціск. Гэта, у сваю чаргу, спрыяльна адбіваецца на стане галаўнога мозгу. Паводле словаў спецыяліста, даданне ў рацыён цытрусаў паляпшае функцыі навучання і памяці.