«На БелАЭС здарылася нешта сур'ёзнае»: Беларусы паведамілі пра падвышэнне ўзроўню радыяцыі пад Ашмянамі і Смаргонню

• 7.03.2021, 12:57

У некаторых месцах радыяцыйны фон у тры разы вышэйшы за звычайныя паказнікі.

Беларусы ў сацсетках і тэлеграм-каналах пішуць пра значнае павышэнне ўзроўню радыяцыі ў Ашмянскім і Смаргонскім раёне.

«На АЭС здарылася нешта сур'ёзнае. Норма павінна быць да 30, але звычайна яна 10 мікрарэнтгенаў», – паведамляе падпісант тэлеграм-канала «Баста!».

Напярэдадні тэлеграм-канал «Нік і Майк» паведаміў, што на БелАЭС магла выйсці з ладу сістэма астуджэння рэактара.

«Еўрарадыё» апублікавала паказанні датчыкаў праекта Еўракамісіі Radioactivity Environmental Monitoring, размешчаных на мяжы Беларусі і Літвы. «Раніцай 7 сакавіка рост ёсць, але пакуль у межах нормы», – адзначае выданне.