Навукоўцы паказалі, як напраўду выглядаў Яраслаў Мудры

• 4.03.2021, 21:35

Кіеўскі князь зусім не быў сівабародым пажылым чалавекам, як яго малявалі раней.

Навукоўцы наноў узнавілі твар кіеўскага князя Яраслава Мудрага, які кіраваў у першай палове 11 стагоддзя. Галаграма з яго выявай адгэтуль будзе дэманстравацца ў запаведніку Сафія Кіеўская. Пра гэта ў чацвер, 4 сакавіка, паведамляе ТСН.

Адзначаецца, што ўнікальную прызму для дэманстрацыі рэальнай знешнасці кіеўскага князя зрабілі на замову ў Даніі.

Сапраўдны твар Яраслава Мудрага быў адноўлены ў рамках праекта Украіна. Вяртанне сваёй гісторыі.

Да гэтага Яраслава ведалі па малюнку, створанаму ў савецкія часы. Высветлілася, з рэальнасцю гэты вобраз мае мала агульнага. Сапраўдны князь быў без доўгай барады і больш прывабны.