Усяго адзін прадукт: лекары патлумачылі, як пазбавіцца ад тлушчу на жываце

• 2.03.2021, 18:09

Акрамя выключэння з рацыёну гэтага прадукту варта штодня практыкаваць фізічныя нагрузкі цягам 30 хвілін.

Даследчыкі з Гарвардскай медыцынскай школы ў Бостане прыйшлі да высновы, што ўжыванне салодкай газіроўкі спрыяе росту тлушчу на таліі і моцна абцяжарвае працэс схуднення, піша rg.ru.

У рамках эксперыменту ў больш за 2500 добраахвотнікаў вымяралі ўзровень чэраўнага тлушчу з дапамогай кампутарнай тамаграфіі.

У людзей, якія штодня п'юць салодкія напоі, узровень вісцэральнага тлушчу быў на 10% вышэйшы ў параўнанні з тымі, хто не мае такой звычкі, адзначылі даследчыкі з Гарвардскай медыцынскай школы.

Доктарка Луіза Вайзман у гутарцы з Express таксама пацвердзіла, што ўжыванне салодкіх напояў (у тым ліку, гарбаты з цукрам) - верны спосаб абзавесціся вялікім жыватом у кароткія тэрміны. Акрамя выключэння прадукту варта штодня практыкаваць фізічныя нагрузкі цягам 30 хвілін, адзначыла лекарка.

«Гэта можа быць кардыё, напрыклад, хуткая хада і бег трушком, а таксама трэніроўкі з абцяжарваннямі. Прыклады трэніровак з абцяжарваннямі ўключаюць прысяданні, выпады, адцісканні і планку», - удакладніла Вайзман.

Яна таксама распавяла аб даведзеных навукай спосабах пазбавіцца ад вісцэральнага тлушчу. А менавіта: ужыванне прадуктаў з цэльнага зерня, ежы з высокім змяшчэннем абалоніны, карысных тлушчаў (аліўкавы алей, чырвоная рыба, авакада), добры сон, мінімізацыя алкаголю.