Амбасада Украіны пацвяліла расейскіх дыпламатаў за фота з Крыма
- 2.03.2021, 16:27
Фотафакт.
Пасольства Украіны ў Вялікай Брытаніі пацвяліла расейскую амбасаду ў Злучаным Каралеўстве за публікацыю фота з тэрыторыі часова акупаванага Крыма.
Пра гэта паведамляе «Еўрапейская праўда».
2 сакавіка ў Twitter-акаўнце амбасады Расеі ў Вялікай Брытаніі было апублікаванае фота цытадэлі Ені-Кале. У подпісе адзначалася, што яна размешчаная ў «Крыме, Расея».
«Як наконт таго, каб публікаваць фатаграфіі вашай тэрыторыі? Мы чулі, што яна найбуйнейшая ў свеце. Ці вы перавезлі ўсіх вашых добрых фатографаў у акупаваны Крым? Крым - гэта Украіна», - адказала на публікацыю расейскіх дыпламатаў пасольства Украіны.
Нагадаем, амбасадарка Вялікай Брытаніі ў Кіеве Мелінда Сіманс раней запэўніла, што яе краіна пасля выхаду з ЕЗ несумненна захавае санкцыі супраць Расеі, якія дзейнічалі дагэтуль.