Фанаты «Смаргоні» будуць байкатаваць матчы каманды

• 1.03.2021, 16:58

Народ - чэмпіён!

Фан-сектар «Смаргоні» будзе байкатаваць матчы каманды праз палітычную сітуацыю ў краіне, піша «Трибуна».

«Фанаты «Смаргоні» пастанавілі адмовіцца ад актыўнай падтрымкі на хатніх, а таксама выязных матчах каманды, у сувязі з рэпрэсіямі і палітычным становішчам у краіне. Народ - чэмпіён! Жыве Беларусь!» - заявілі фанаты.

Раней аб байкатаванні матчаў каманды паведамілі фанаты футбольных клубаў: вышэйшай лігі - БАТЭ, «Слуцка», берасцейскага «Дынама», «Нёмана», «Шахцёра», «Віцебску», «Тарпеда-БелАЗа», «Мінска»; першай лігі - «Маладзечна», «Дняпра», «Граніту»; менскага «Тарпеда», хакейнага менскага «Дынама», валейбольнага «Заходняга Буга».