Навальнага даставілі ў калонію ва Уладзімірскай вобласці
- 28.02.2021, 21:32
Відавочна, расейскі апазіцыянер знаходзіцца ў калоніі ВК-2 у горадзе Пакроў.
Апазіцыянер Аляксей Навальны, этапаваны на гэтым тыдні з маскоўскага СІЗА, быў дастаўлены ў калонію ва Уладзімірскую вобласць. Пра гэта паведамілі РБК у Грамадскай назіральнай камісіі Масквы.
Відавочна, Навальны знаходзіцца ў калоніі ВК-2 у горадзе Пакроў ва Уладзімірскай вобласці, аднак афіцыйна гэтая інфармацыя пакуль не пацверджаная.
Пра тое, што Навальнага збіраліся даставіць у калонію ў Пакрове, паведаміў напярэдадні сайт "Ярновости" са спасылкай на свае крыніцы. У нядзелю ўдзельнік фонду "Русь сидящая" Руслан Вахапаў са спасылкай на асуджаных гэтай калоніі паведаміў "Адкрытым медыя", што Навальны сапраўды дастаўлены туды.
Праваабаронца адзначыў, што зняволеных, якія разам з Навальным прыбылі ў калонію па этапе, "правялі строга паводле правіл унутранага распарадку і нікога не білі".