Як з пачатку года ў Беларусі выраслі курсы валют

• 28.02.2021, 18:26

Беларускую нацыянальную валюту далей хістае.

З пачатку года курс беларускага рубля то прыкметна таннее, то пазней, наадварот, адквітвае гэтае падзенне.

Як з пачатку года змяніліся курсы замежных валют у Беларусі? Пра гэта ў артыкуле "Еўрарадыё".

Даляр падаражэў на 2,68 капейкі - крыху больш, чым на 1%. Пры гэтым з пачатку лютага амэрыканская валюта трохі патаннела.

Еўра з пачатку года, наадварот, патаннела - на 1,36 капейкі. За люты яно таксама страціла, але няшмат.

100 расейскіх рублёў з пачатку года дадалі 1,57 капейкі. Цікава, што расейскі рубель прыкметна даражэў у лютым і тым самым адквітаў студзеньскае падзенне ды выйшаў "на плюс".