ВПС ЗША атрымаюць сотні стэлс-ракет, здольных даляцець да Сібіры

• 28.02.2021, 12:56

Кантракт падпісаны амаль на паўмільярда даляраў.

Вайскова-паветраныя сілы (ВПС) ЗША атрымаюць 400 крылатых стэлс-ракет AGM-158B JASSM-ER, якія здольныя даляцець да Сібіры. Пра гэта паведаміла выданне Janes.

Чытайце таксама: ЗША і Ізраіль узяліся за сумесную распрацоўку супрацьракетнага шчыта

Адпаведны кантракт на агульную суму 428,4 мільёна даляраў, падпісаны з амерыканскай кампаніяй Lockheed Martin, прадугледжвае вытворчасць ракет да ліпеня 2025 года.

У чэрвені 2020 года інфармацыйна-кансалтынгавае агенцтва Defense Express заявіла, што ракета AGM-158B JASSM-ER, якая запускаецца са стратэгічнага бамбавіка ВПС ЗША B-52 Stratofortress, здольная «дастаць» да Расеі без заходу гэтых самалётаў у кантраляваную зенітнымі ракетнымі комплексамі (ЗРК) С-400 «Трыумф» вобласць паветранай прасторы.

«Улічваючы далёкасць пуску крылатых ракет AGM-158B JASSM-ER у 980 кіламетраў і AGM-86C [Conventional Air-Launched Cruise Missile] CALCM больш чым на 1200 кіламетраў, гэтага дастаткова для атакі на асноўныя стратэгічныя аб'екты Расеі ў Арктыцы і частцы Сібіры», - гаварылася ў адпаведнай публікацыі.