Знакаміты лекар развеяў папулярныя міфы пра спосабы павышэння імунітэту
- 26.02.2021, 20:21
Карысныя парады для тых, хто хоча палепшыць здароўе пасля зімы.
Самы папулярны ўкраінскі лекар і тэлевядоўца Яўген Камароўскі заўсёды гатовы прыйсці на дапамогу сваім чытачам. На сваёй старонцы ў Інстаграме лекар пастаянна публікуе допісы на важныя і цікавыя для яго падпісчыкаў тэмы, піша telegraf.com.ua.
Так, як на парозе вясна, а халодная зіма трохі знізіла імунітэт, то натуральна трэба, нешта рабіць, для таго каб гэты імунітэт стабілізаваць.
Адзін са сваіх допісаў Камароўскі прысвяціў гэтай тэме і расказаў, якія спосабы з'яўляюцца неэфектыўнымі, а якія наадварот - эфектыўнымі.
Неэфектыўна:
- БАДы,
- Цыбуля-часнок,
- Імунамадулятары,
- Гамеапатыя,
- Амулеты ад вірусаў,
- Элеўтэракок і эхінацыя.
Эфектыўна:
- Паўнавартасны сон,
- Умераныя фізічныя нагрузкі,
- Не алкаголю і курэнню,
- Вакцынацыя,
- Паўнавартаснае харчаванне,
- Станоўчыя эмоцыі.