Украіна можа ўвесці санкцыі супраць набліжаных да Лукашэнкі чыноўнікаў і бізнэсоўцаў
- 26.02.2021, 17:08
Хто можа трапіць пад абмежавальныя захады?
У Telegram-канале народнага дэпутата Украіны ад «Еўрапейскай салідарнасці», кіраўніка міжфракцыйнай групы «За дэмакратычную Беларусь» Аляксея Ганчарэнкі з'явілася паведамленне аб тым, што прэм'ер-міністр Украіны «даў даручэнне Міністэрству замежных спраў, Мінэканомікі і Дзяржпамежслужбы разгледзець пытанне аб увядзенні санкцый супраць беларускіх чыноўнікаў і бізнэсоўцаў, блізкіх да рэжыму Лукашэнкі».
Аляксей Ганчарэнка задаецца пытаннем, чаму дагэтуль не патрапіў пад санкцыі алігарх Мікалай Варабей, чый бізнэс звязаны з прарасейскім палітыкам Віктарам Медведчуком.
Нагадаем, Украіна далучылася да санкцый Еўразвязу супраць рэжыму Лукашэнкі, аднак на справе санкцыі яшчэ не пачалі працаваць.