У Маскве знайшлі маёра ФСБ, які загінуў, як супрацоўнікі аховы Пуціна

• 26.02.2021, 15:44

Інцыдэнты пракаментаваў прэс-сакратар кіраўніка Крамля Дзмітрый Пяскоў.

Маёра ФСБ знайшлі мёртвым у Маскве, у пад'ездзе дома на Рублёўскай шашы. Папярэдняя прычына смерці такая ж, як у дваіх супрацоўнікаў Федэральнай службы аховы (ФСА), якіх знайшлі мёртвымі ў лістападзе і снежні 2020 года.

Цела маёра ляжала на лесвічнай клетцы. Як піша «Московский комсомолец», вонкавыя прыкметы паказваюць на суіцыд.

Нагадаем, 30 лістапада на тэрыторыі Крамля скончыў з сабой супрацоўнік ФСА, які адказваў за асабістую ахову прэзідэнта Расеі. 22 снежня ў Маскве пад вокнамі шматпавярховіка знайшлі цела іншага супрацоўніка ФСА.

Інцыдэнты пракаментаваў прэс-сакратар кіраўніка дзяржавы Дзмітрый Пяскоў. Ён звязаў трагедыі выключна з асабістымі прычынамі і дадаў: «Большага я вам не магу сказаць».