«Армія з народам»: Генштаб Арменіі запатрабаваў адстаўкі Пашыняна

• 25.02.2021, 11:41

Пад заявай падпісаліся больш за 40 высокапастаўленых вайскоўцаў.

Як паведамляюць армянскія СМІ, Генеральны штаб Узброеных сіл Арменіі выступіў з заявай, запатрабаваўшы неадкладнай адстаўкі прэм'ер-міністра Нікола Пашыняна і ўрада.

«Генеральны штаб Узброеных сіл РА выказвае свой смелы пратэст у сувязі з вызваленнем ад пасады першага намесніка начальніка Генеральнага штаба Узброеных сіл РА праз недальнабачныя і неабгрунтаваныя прычыны, што быў зробленыя без уліку нацыянальных і дзяржаўных інтарэсаў Рэспублікі Арменія, грунтуючыся толькі на асабістых і амбіцыйных пачуццях.

Прэм'ер-міністр і ўрад Арменіі з гэтага часу не ў стане прымаць адэкватныя пастановы ў гэтай крызіснай і лёсавызначальнай для армянскага народа сітуацыі.

Узброеныя сілы Арменіі доўгі час цярпліва выносілі «нападкі», накіраваныя на дыскрэдытацыю Узброеных сіл дзейнай уладай, аднак усе мае свае межы.

Узброеныя сілы Арменіі з гонарам выканалі свой абавязак, змагаліся плячо ў плячо са сваім народам супраць ворага.

У сувязі з сітуацыяй, узброеныя сілы Арменіі патрабуюць адстаўкі прэм'ер-міністра і ўрада РА, адначасова папярэджваючы ўстрымацца ад выкарыстання сілы супраць народа, чые дзеці загінулі, абараняючы Радзіму і Арцах.

Войска заўсёды было з народам, як і народ з войскам», - гаворыцца ў заяве.

Пад заявай падпісаліся больш за 40 высокапастаўленых вайскоўцаў, сярод іх кіраўнік Генштаба Анік Гаспаран.