Лондан выперадзіў Нью-Ёрк паводле колькасці даляравых мільянераў

• 25.02.2021, 10:43

Кожны дзясяты чалавек, які жыве ў сталіцы Вялікабрытаніі, з'яўляецца даляравым мільянерам.

Лондан выперадзіў Нью-Ёрк і стаў горадам з самай высокай канцэнтрацыяй мільянераў.

Пра гэта гаворыцца ў Knight Frank Wealth Report, паведамляе Guardian. Поўная справаздача выйдзе 2 сакавіка, піша «Новое время».

Згодна з штогадовым даследаваннем кансалтынгавай кампаніі Knight Frank, у Лондане жыве амаль 874 354 даляравых мільянераў (ім належаць актывы на суму больш за 720 тысяч фунтаў стэрлінгаў). У Нью-Ёрку, які заняў другое месца, жыве 820 тысяч мільянераў.

Са звестак Knight Frank, кожны дзясяты чалавек, які жыве ў Лондане, з'яўляецца даляравым мільянерам. Гэтыя звесткі падкрэсліваюць што зеўрае разрыў паміж багатымі і беднымі ў сталіцы Брытаніі, адзначае Guardian. Паводле звестак урада, больш за 2,5 мільёна (або 28%) жыхароў Лондана належаць да катэгорыі «жывуць у беднасці».

Ліям Бэйлі, кіраўнік аддзела даследаванняў Knight Frank, сказаў, што высокая канцэнтрацыя даляравых мільянераў у Лондане тлумачыцца дарагоўляй жылля ў горадзе.

«Пры сярэднім кошце жылля ў Лондане 514 тысяч фунтаў стэрлінгаў многія хатнія гаспадаркі трапляюць у катэгорыю заможных людзей», - сказаў ён.

Даследаванне паказала, што больш за 68 тысяч лонданскіх кватэр каштуюць даражэй за 2 мільёны фунтаў стэрлінгаў.