Карыстальнікі сацсетак расшыфравалі таемнае пасланне на парашуце марсахода Perseverance

• 24.02.2021, 20:14

На парашут марсахода нанеслі дэвіз.

На парашуце, які дапамог марсаходу Perseverance здзейсніць пасадку на Чырвоную планету, было зашыфраванае таемнае пасланне. Карыстальнікам сацсетак спатрэбілася ўсяго некалькі гадзінаў, каб расшыфраваць яго, паведамляе zn.ua са спасылкай на The Verge.

Пра тое, што на парашуце змяшчаецца пасланне, зашыфраванае з дапамогай двайковага кода, заявілі прадстаўнікі NASA. Цяпер жа карыстальнікі высветлілі, што гэта фраза Dare Mighty Things («Здзяйсняйце дзёрзкія ўчынкі»). Гэта цытата з адной з прамоваў 32-га прэзідэнта ЗША Тэадора Рузвельта, а таксама дэвіз Лабараторыі рэактыўнага руху NASA.

Пасланне на парашуце – справа рук сістэмнага інжынера агенцтва Яна Кларка. Як прызнаўся Ален Чэн, кіраўнік місіі марсахода, верагодна, што існуюць і іншыя схаваныя пасланні.

Perseverance здзейсніў удалую пасадку на Марс 18 лютага. Ён ужо паспеў перадаць на Зямлю першыя фота і відэа з Чырвонай планеты, а таксама запісаць гукі на ёй.