Беларускія кіроўцы далей байкатуюць тэхагляд
- 18.02.2021, 11:09
У чым прычына?
Замена дзяржаўнага збору на допуск да ўдзелу ў дарожным руху на транспартны падатак змяніла стаўленне да тэхагляду многіх аўтамабілістаў, якія раней адмаўляліся яго праходзіць праз нежадання аплачваць збор.
Ужо ў студзені беларусы паімчаліся на станцыі, у выніку чаго за месяц было выдадзена 188 025 дазволаў, што на 237,1% больш, чым у першым месяцы мінулага года, і амаль удвая больш, чым у студзені 2013 года.
Аднак застаюцца і тыя, хто ўсё адно не праходзіць і не збіраецца праходзіць тэхагляд. "Аўтабізнэс" высветліў у іх прычыны.
Пачнуць лупіць конскія штрафы - давядзецца праходзіць
Яўген: "Чаму я не буду праходзіць тэхагляд? Ды банальна праз дзірку ў парозе, якая ніяк не ўплывае на хуткасць і бяспеку, але праз якую "дазвол"мне не дадуць. За тэхнічнай часткай машыны я сачу, рэгулярнае абслугоўванне тармазоў, праверка падвескі, стырна і г.д.
Зразумелая рэч, што ўсе лямпачкі, пад'ёмнікі, шчоткі і амывальнікі працуюць, але гэтая дзірка... Аўтамабіль крыху біты ў бок і ў месцы зваркі пачаў "сыходзіць". Зрабіць цяп-ляп, каб прайсці ТА, я сэнсу не бачу, а каб нармальна адрамантаваць, яго трэба аддаць на тыдзень-два. Цяпер гэта наогул немагчыма для мяне. Таму чакаю зручны момант, каб пабыць без колаў. Але відавочна не цяпер. Калі пачнуць актыўна штрафаваць за тэхагляд, то, натуральна, я паскору працэс. За два з паловай гады мяне ні разу не спынілі для праверкі дакументаў. Прабег аўтамабіля блізу 30 000 кіламетраў на год".
Андрэй: "Аўто ў таніроўцы - тэхагляд не прайду. Зрываць шкада, бо свядома рабіў, разумеючы, што не змагу праходзіць ТА. Прыбяруць закон пра танаванне - з задавальненнем прайду. Альбо калі пачнуць лупіць конскія штрафы, то давядзецца здымаць і праходзіць" .
"А для чаго патрэбны тэхагляд? Дзяржаўныя канторы як на ламаччы ездзілі, так і ездзяць"
Аляксандр: "А для чаго патрэбны тэхагляд? Што ён дае? Жывыя прыклады: прыехаў, агледзелі аўто, усё ў норме, падвеска, асвятленне і г.д. Праз два тыдні разбіўся наканечнік, яшчэ праз тыдзень ён выскачыў. Праз 3 месяцы згарэў глушыцель. "Ручнік" працаваў, праз месяц трос закіс і г.д. Тэхагляд - гэта прамое прымусовае адлічэнне грошай. Кожны кіроўца сам глядзіць сваё аўто. А сельгастэхніка ў раёнах як ездзіла без "паваротніка" і з непрацоўнымі стоп-сігналамі, так і ездзіць. Як курадыміў МАЗ на ўсе застаўкі, так і курадыміць, але з пройдзеным ТА.
Усе гэтыя праходжанні не дзеля бяспекі: за гады збораў, прывязаных да тэхагляду, адсотак учыненых ДТЗ праз адмову тэхнікі, на мой погляд, вельмі мізэрны. З людзей капейкі збіраюць і мозг дураць, а дзяржаўны органы як на ламаччы ездзілі, так і ездзяць".
Андрэй: "Не праходжу прынцыпова. З нагоды аўто: я "кіроўца вольвы", бяспека ў прыярытэце, аўто таксама стараюся трымаць у тонусе. Мне 33, пасведчанне кіроўцы з 17 (на вучобе так выдавалі), за стырном з 12. Катэгорыі "А", "В", "С", трактар усе катэгорыі і цягнік, пастаянна ў валоданні два аўто - за ўвесь час ніводнага ДТЗ.
Плаціць стану, калі ўбачу дарожнікаў на вуліцы. Апошнім часам толькі новыя паборы. BelToll раней 2-3 пасты было, людзі сядзелі, якім плаціць заробак трэба было, а зараз праз 20 км стаяць пасты без аператараў і грошы збірабюць! А дарогі толькі горшыя становяцца ".
Чаму б дылерам не выдаваць высновы аб тэхнічным стане?
Аляксандр: "Я адмаўляюся праходзіць, таму што думаю, што гэта бессэнсоўна. Аўто на гарантыі, яе абслугоўвае дылер, навошта мне плаціць яшчэ камусьці, каб яны зноў праверылі аўто? Чаму б дылерам не выдаваць выснову аб тэхнічным стане? А так даводзіцца плаціць двойчы".
Наш вердыкт
Складана не пагадзіцца з некаторымі аргументамі нашых герояў, але частка з іх не вытрымлівае крытыкі. Тым не менш шмат хто з апытаных уважаюць тэхагляд за састарэлую працэдуру, якую даўно пара скасаваць. Некаторыя рэспандэнты не наведваюць дыягнастычныя станцыі праз "стомлены" стану кузава, хоць і сцвярджаюць, што ў астатнім тэхнічны стан іх аўтамабіляў у поўным парадку. І толькі некалькі чалавек няхай і коратка, але сумленна прызналіся, што на іх аўто тэхагляд прайсці немагчыма.