Заўтра ў Беларусі зноў падаражэе бензін

• 15.02.2021, 20:10

Гэта трэцяе змяненне коштаў аўтамабільнага паліва сёлета.

З 16 лютага ў Беларусі раздробныя кошты дызельнага паліва і аўтамабільны бензін павялічацца на 1 капейку. Пра гэта паведамілі ў прэс-службе «Белнафтахіма».

З 16 лютага кошт 1 літра бензіну АІ-92-К5-Еўра складзе 1 рубель 73 капейкі, АІ-95-К5-Еўра - 1 рубель 83 капейкі, АІ-98-К5-Еўра - 2 рублі 5 капеек, ДТ - 1 рубель 83 капейкі.

- З улікам праведзенага канцэрнам маніторынгу сітуацыі на нафтавым рынку з 1 да 12 лютага 2021, адзначаецца ўзыходзячы трэнд змены сусветных коштаў нафты. Сярэдняя катыроўка нафты маркі Brent за названы перыяд склала блізу 60 даляраў ЗША за барэль і вырасла ў параўнанні з узроўнем катыровак за студзень 2021 года на 9 адсоткаў, - распавялі ў «Белнафтахіме». - У такіх умовах значна ўзрастаюць выдаткі на закупку нафты. У мэтах забеспячэння стабільнай працы НПЗ канцэрн працягвае рэалізацыю цэнавай стратэгіі індэксацыі гранічных максімальных коштаў нафтапрадуктаў.

Гэта трэцяе змяненне коштаў аўтамабільнага паліва сёлета. Апошні раз кошт паліва змяняўся 28 студзеня: дызель і бензіны падаражэлі на 1 капейку.

Нагадаем, у 2020 годзе кошты паліва мяняліся 16 разоў, у 2019 - 28, годам раней - 27.