Вялікія групы мігрантаў з драўлянымі насціламі пайшлі на штурм мяжы з Польшчай
- 9.12.2021, 10:28
За дзень польскія памежнікі адбілі 80 нападаў.
Вялікія групы мігрантаў з боку Беларусі працягваюць кожны дзень спрабаваць штурмаваць мяжу Польшчы.
Учора некалькі вялікіх груп мігрантаў спрабавалі прарвацца праз загароду ў раёне Дубічаў-Царкоўных і Чарэмшы. Мігранты беспаспяхова спрабавалі пералезці цераз паркан з калючым дротам пры дапамозе драўляных мастоў.
Усяго за сераду было зарэгістравана 80 спробаў парушэння мяжы, паведамляе Памежная служба Польшчы.
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб узняць іх на новы штурм польскай мяжы.
1 снежня беларускія спецслужбы абстралялі польскі прымежны горад Тэрэспаль. Абстрэлам былі знішчаны асвятляльныя мачты на мяжы з Беларуссю.