«Голас Амерыкі»: Лукашэнка выставіў мігрантам ультыматум

• 7.12.2021, 12:00

Або штурм польскай мяжы, або прымусовая высылка дадому.

Spiegel і "Новая газета" паведамляюць, што мігрантам на беларуска-польскай мяжы рэжымам Лукашэнкі пастаўлены ультыматум: альбо штурм польскай мяжы, альбо прымусовая высылка дадому.

Пра ультыматум рэжыму нелегалам у лагеры каля польскай мяжы гаворыцца і ў відэасюжэце “Голасы Амерыкі”.

Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.

15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".

16 лістапада мігранты пайшлі на штурм польскай мяжы.

Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.

26 лістапада Лукашэнка пабываў у лагеры мігрантаў, каб узняць іх на новы штурм польскай мяжы.

1 снежня беларускія спецслужбы абстралялі польскі прымежны горад Тэрэспаль. Абстрэлам былі знішчаны асвятляльныя мачты на мяжы з Беларуссю.