У Беларусь ідуць маразы да -20°С

• 7.12.2021, 18:39

Пахаладанне пачнецца ўжо на гэтым тыдні.

Да мінус 20 градусаў апусцяцца слупкі тэрмометра ўжо на гэтым тыдні. Аб гэтым паведамілі сіноптыкі.

У аўторак тэмпература паветра складзе -2...-8°С, па паўднёвым усходзе краіны будзе -1...+1°С, уночы па паўночна-заходняй палове пры праясненнях чакаецца паніжэнне да -9...-14°С.

А вось у сераду тэмпература істотна ўпадзе. Уначы тэрмометры пакажуць ад -10°С да -17°С, месцамі яна панізіцца да -18...-20°С. Удзень тэмпература будзе ў межах ад -4°С да -11°С, месцамі - да -14°С.

У чацвер тэмпература паветра ўночы складзе -10...-17°С, месцамі -18...-20°С, па поўдні краіны -8...-9°С; удзень -5...-11°С, месцамі да -14°С.

Аднак затым маразы паступова аслабеюць. Тэмпература паветра будзе ад +4 да -4°C. У прагнозах снег і мокры снег.