У Ізраілі абмяркоўваюць неабходнасць чацвёртай дозы вакцыны ад каранавіруса

• 6.12.2021, 20:11

Імавернасць новай успышкі захворвання на COVID-19 існуе ў сувязі з пачаткам школьных заняткаў.

Ізраіль блізкі да прыняцця пастановы аб правядзенні вакцынацыі насельніцтва краіны чацвёртай дозай вакцыны ад каранавіруса. Пра гэта 6 снежня ў інтэрв'ю Ynet заявіў генеральны дырэктар міністэрства аховы здароўя Ізраіля прафесар Нахман Аш.

З ягоных слоў, імавернасць новай успышкі захворвання COVID-19 у Ізраілі існуе ў сувязі з пачаткам школьных заняткаў. Прафесар уважае, што гэтаму можа паспрыяць тое, што ўзімку школьныя класы закрытыя і дрэнна праветрываюцца.

Што да масавай вакцынацыі жыхароў краіны ад каранавіруса чацвёртай дозай вакцыны, Нахман Аш адзначыў, што на гэты момант пытанне знаходзіцца ў стадыі абмеркавання ў міністэрстве, аднак у ведамстве «вельмі блізкія» да прыняцця рашэння.