У сярэдзіне тыдня ў Беларусі можа пахаладаць да -18°С

• 5.12.2021, 20:44

Над Беларуссю на наступным тыдні пачне валадарыць халодны антыцыклон.

У сярэдзіне тыдня ў Беларусі можа пахаладаць да -18°С. Прычым тэмпература будзе адрознівацца: уначы -ад -2°С і да -15°С па паўночным-захадзе, а ўдзень – ад нуля па паўднёвым захадзе да -8°С па паўночным усходзе, паведамляе «Наша Нива».

У ноч на чацвер па поўначы краіны ўвогуле да -18°С.

А ў надыходзячыя выхадныя за сітуацыю ў атмасферы пачне адказваць больш цёплыя паветраныя масы з паўднёвага захаду Еўропы. Уначы -0...-6°С. Удзень у суботу -0...+3°С - у нядзелю, 12 снежня +1...+3°С.

А заўтра, 6 снежня, у Менску чакаецца да мінус 3°С. Вецер да 9 м/c.