Парашэнка: Лукашэнка з'яўляецца небяспекай для ўсёй Еўропы

• 5.12.2021, 20:14

Таракан таксічны, і ад яго можна чакаць усяго.

Беларускі дыктатар Лукашэнка нясе пагрозу і Украіне, і Еўропе. Пра гэта ў інтэрв'ю французскаму выданню L'Express сказаў пяты прэзідэнт Украіны, лідар партыі «Еўрапейская салідарнасць» Пятро Парашэнка.

Адказваючы на пытанне, ці існуе магчымасць нападу на Украіну з беларускага напрамку, Парашэнка сказаў: «Аляксандр Лукашэнка з'яўляецца небяспекай не толькі для Украіны, але і для ўсёй Еўропы. Вы ведаеце, што ён прасіў ядзерную зброю ва Уладзіміра Пуціна? Ён таксічны, і ад яго можна чакаць усяго. Ён мог зрабіць у дачыненні да Украіны тое, што ён ужо зрабіў Польшчы».

«У сувязі з гэтым мы павінны супрацоўнічаць з Еўрапейскім Звязам для ўстанаўлення бар'ераў на беларускай мяжы, каб пазбегнуць новага міграцыйнага крызісу», - перакананы пяты прэзідэнт Украіны.