«Як свіння, зганьбіў Беларускую федэрацыю футболу»

• 5.12.2021, 11:07

Сталі вядомыя падрабязнасці пра інцыдэнт на матчы зборных Беларусі і Казахстана.

Экс-кіраўнік дэпартамента судзейства і інспектавання судзейства Андрэй Чэпа расказаў пра рэакцыю ў АБФФ на відэа з п'яным намеснікам старшыні федэрацыі Міхаілам Ботнікавым на матчы зборных Беларусі і Казахстана, паведамляе «Трыбуна».

«Гэта быў кашмар нейкі. Думаў, што прыеду ў панядзелак на працу, і мне скажуць, што вызвалілася месца намесніка старшыні. Думаў, што ўсё – не працуе Ботнікаў. Прыходжу ў панядзелак, а ён сядзіць на сваім працоўным месцы, як нічога не было.

Калі ён выйшаў з кабінета, я ў Вяргейчыка пытаюся: «Юры Васільевіч, а што, Ботнікаў працуе, ніякіх да яго санкцый не распачалі?» Кажа: «Не. Вы нейкія дзіўныя людзі, падумаеш, чалавек выпіў трошкі, але ж ён шчыра хварэў за нашу каманду». Калі шчыра, пры Нявыгласу ўжо рэчы яго ляжалі б у калідоры, мусіць. А тут усё нармальна, падумаеш, чалавек выпіў лішняга. У маім разуменні, нажэрся, як свіння, і зганьбіў федэрацыю футболу», – расказаў Андрэй Чэпа.