У Беларусь прыйшоў цыклон «Бэнэдыкт»
- 4.12.2021, 22:15
А з ім - моцны парыўны вецер і ападкі.
Белгідрамет абвясціў жоўты ўзровень небяспекі праз слізготу на 4 і 5 снежня, піша zerkalo.io. Белгідрамет паведамляе, што на гэтым тыдні на тэрыторыю Беларусі прыйшоў цыклон «Бэнэдыкт», а з ім - моцны парыўны вецер і ападкі.
«4 снежня надвор'е на тэрыторыі краіны будзе вызначаць поле паніжанага атмасфернага ціску, малаактыўны франтальны падзел. Месцам у краіне пройдуць ападкі ў выглядзе снегу і халепы, на дарогах - каўзота, у сувязі з гэтым абвешчаны жоўты ўзровень небяспекі», - сказана ў прагнозе сіноптыкаў на суботу-нядзелю.
«У нядзелю 5 снежня тэрыторыя краіны апынецца ва ўладзе франтальнага падзелу, які рухаецца з Заходняй Еўропы, стане больш аблокаў і ападкаў», - прагназуюць спецыялісты Білгідрамета.
Тэмпература ўначы 5 снежня ад -8 да -1 градуса, тэмпература ўдзень ад -4 да +2 градусаў.