Жыхары Махачкалы, якія выйшлі на пратэст, дамагліся свайго

• 4.12.2021, 17:19

На махачкалінскія вуліцы вярнулі газ пасля пратэстаў.

У Махачкале пасля пратэстаў жыхарам 11 шматкватэрных дамоў далі газ, паведамляе (РБК).

"Створаны напярэдадні штаб працаваў на працягу ўсёй ночы, каб паскорыць працэс падачы газу ў дамы па праспекце Амет-Хана Султана. На працягу ночы газ пададзены ў 11 шматкватэрных дамоў. Яшчэ тры дамы, дзе заканчваецца пакватэрны абход, будуць падключаны да газу ўжо сёння" , - расказалі ў мэрыі.

Газазабеспячэнне адновяць 6 снежня, паведаміў мэр Салман Дадаеў са спасылкай на газавыя службы. Газ быў адключаны пасля выбуху і пажару ў адным з дамоў на праспекце Амет-Хана Султана 22 лістапада.

Працы павінны былі скончыць да 1 снежня, але кампанія так і не падала газ, патлумачыўшы гэта тым, што не атрымала доступ у шэраг кватэр.

Увечары 2 снежня адбылася стыхійная акцыя жыхароў адключаных ад газу дамоў, з патрабаваннем вярнуць газ.