Магутная хваля змыла расейца падчас шторму ў Сочы: відэафакт

• 3.12.2021, 15:31

Стыхія шалела два дні запар.

У Сочы два дні запар прадаўжаўся шторм, ён стаў наймацнейшым з 2012 года. Пра гэта РБК паведамілі ў прэс-службе горада.

Сіла хвалі дасягнула сямі балаў у ноч з 30 лістапада на 1 снежня. «Апошнім разам такая з'ява зафіксаваная ў 2012 годзе, тады ўдар стыхіі прыпаў на Імярэцінскі раён», - паведамілі ў прэс-службе адміністрацыі горада.

Там адзначылі, што ў ноч з 1 снежня на 2 снежня шторм быў трохбальным, ён сціхае і 3 снежня чакаецца штыль.

Мацней за ўсё ад шторму пацярпелі набярэжныя Імярэцінскай нізіны ў Адлерскім раёне Сочы і набярэжныя Лазараўскага раёна. На пляжы Свірскі ў цэнтры Лазараўскага падмыла берагаўмацавальныя збудаванні.

Падчас шторму расеец наважыў прагуляцца па пірсе ў шторм і быў змыты ў моры вялізнай хваляй. Інцыдэнт патрапіў на відэа.

Удакладняецца, што сітуацыя адбылася на пляжы «Русалка». На кадрах відаць, як двое мужчын ідуць па пірсе падчас моцнага шторму. У адзін з момантаў магутная хваля, якая абрынулася на буну, змыла аднаго з іх у мора.