ЕЗ зацвердзіў пяты пакет санкцый супраць рэжыму Лукашэнкі
- 1.12.2021, 12:36
У спісе - 17 чалавек і 11 арганізацый.
ЕЗ канчаткова зацвердзіў пяты пакет санкцый і пачаў працаваць над шостым пакетам - ён можа быць гатовы ўжо ў студзені-лютым.
Пра гэта, паведаміў журналіст "Радыё Свабода" Рыкард Ёзвяк.
Паводле ягонай інфармацыі, у спісе - 17 чалавек і 11 арганізацый. Пастанову збіраюцца апублікаваць заўтра ў афіцыйным часопісе ЕЗ.
Раней у СМІ з'яўляўся поўны спіс беларускіх прадпрыемстваў і службоўцаў, якія патрапяць у пяты пакет санкцый. У іх ліку - авіякампанія "Белавія", турагенцтвы, гатэлі, "Гродна Азот" і "Беларуснафта".