Аляксей Бага пакінуў пасаду галоўнага трэнера салігорскага «Шахцёра»

• 1.12.2021, 12:00

Разам з Багам з пасады сышоў і ягоны памочнік.

Салігорскі «Шахцёр» афіцыйна абвясціў аб тым, што Алеся Бага пакідае пасаду галоўнага трэнера клуба, паведамляе «Трыбуна».

Разам з Багам каманду «гарнякоў» пакіне і ягоны памочнік - Валерый Тарасенка.

«Футбольны клуб «Шахцёр» дзякуе Аляксею Анатольевічу і Валерыю Леанідавічу за працу. Мы высока цэнім той унёсак, які трэнеры зрабілі ў заваёву другога запар чэмпіёнства для нашай каманды, і зычым поспехаў у далейшай кар'еры», – піша прэс-служба «Шахцёра».

Пад кіраўніцтвам Аляксея Багі салігорскі «Шахцёр» дайшоў да залатых медалёў вышэйшай лігі-2021.