Столтэнберг адказаў, які пасыл міністры NATO рыхтуюць беларускаму рэжыму
- 30.11.2021, 17:58
Дыктатар павінен вызваліць усіх палітычных вязняў.
Генеральны сакратар NATO Енс Столтэнберг расказаў, што міграцыйная палітыка беларускага дыктатара стане тэмай абмеркавання сустрэчы міністраў замежных спраў NATO ў Рызе.
Як паведамляе «Еўрапейская праўда», пра гэта ён расказаў у адказах на пытанні журналіста, якое паведамленне міністры рыхтуюць Лукашэнку.
«Спадару Лукашэнку варта спыніць выкарыстоўваць уразлівых людзей як заложнікаў у палітычнай гульні супраць іншых дзяржаў, спрабуючы стварыць ціск на іншыя краіны. Гэта цынічна і ставіць пад пагрозу жыццё многіх людзей».
Гэтае дакладнае паведамленне - і ад усіх хаўруснікаў NATO, і ад прэзідэнта (Еўракамісіі. - Рэд.) фон дэр Ляен і ад мяне, калі мы наведалі Літву і Латвію ў нядзелю», - сказаў ён.
Столтэнберг нагадаў, што NATO надае падтрымку Літве, якая пакутуе ад міграцыйнага крызісу.
Ён таксама настаяў на тым, што вайсковая прысутнасць NATO ў гэтым рэгіёне з'яўляецца абсалютна абарончай.
«Спадар Лукашэнка павінен спыніць расправу над мірнымі пратэстоўцамі ў Беларусі і вызваліць усіх палітычных зняволеных, дазволіць дэмакратычныя працэсы», - дадаў Столтэнберг.