The Washington Post назваў самага папулярнага замежніка ў Расеі

• 28.11.2021, 21:12

Адна з прычынаў вядомасці – знакаміты мем.

Амерыканская газета The Washington Post назвала прадпрымальніка і мільярдэра Ілана Маска самым папулярным замежнікам у Расеі. Як сцвярджае выданне, "Маск – гэта рэдкая фігура, якая карыстаецца амаль усеагульнай папулярнасцю ў краіне, якую нялёгка ўразіць, асабліва чужынцам".

Пры гэтым адзначаецца: шматлікія расейцы мяркуюць, што гісторыя Маска, які іміграваў у ЗША з ПАР і дамогся поспеху, натхняе, а ў рунэце карыстаюцца вялікай папулярнасцю жарты пра незвычайныя вынаходствы з фразай: "Як табе такое, Ілан Маск?"