«14-гадовая дзяўчынка распавяла, што беларускія памежнікі падпалілі яе спальнік»

• 27.11.2021, 16:20

Human Rights Watch задакументавала сур'ёзныя злоўжыванні з боку беларускіх сілавікоў.

«Многія бежанцы ўсё яшчэ знаходзяцца паміж Польшчай і Беларуссю, забеспячэнне іх самым неабходным абцяжаранае, а з кожным днём становіцца халадней», - піша нямецкае выданне Die Zeit (пераклад - inopressa.ru).

«Польская памежная служба прадаўжае паведамляць аб спробах мігрантаў перайсці дэ-факта закрытую мяжу; напрыклад, у сераду гэта паспрабавалі зрабіць 375 чалавек», - гаворыцца ў артыкуле.

«У дакладзе Human Rights Watch задакументаваныя сур'ёзныя злоўжыванні з боку беларускіх сіл бяспекі, напрыклад, збіццё і пазбаўленне волі, часам на некалькі дзён, без ежы і вады. Адна 14-гадовая дзяўчынка расказала, што памежнікі, выпадкова ці наўмысна, падпалілі яе спальны мяшок і затым прымусілі яе ісці далей, пасля чаго яна некалькі дзён блукала па лесе з апёкам. Іншыя распавядаюць аб балотах, у якія іх заганялі і з якіх яны ў роспачы пілі».