Арыштаваны рахункі школы шахмат ФІДЭ ў Беларусі

• 26.11.2021, 19:28

Закрываецца шахматная школа для дзяцей.

Арыштаваны рахункі школы шахмат ФІДЭ ў Беларусі. Пра гэта ў сваім Facebook паведаміла былая старшыня Федэрацыі шахмат Беларусі Анастасія Сарокіна.

Адзначым, што Сарокіна падпісала ліст за сумленныя выбары і супраць гвалту.

«Людзі, якія ўжо цягам года рвуцца да партфеляў Беларускай федэрацыі шахмат, зусім адарваліся ад рэальнасці праз свае нездаровыя амбіцыі. Яны закрываюць шахматную школу для дзяцей. Хутка перакручаны розум і адсутнасць інтэлекту стануць сімвалам тых, хто зараз кіруе беларускімі шахматамі.

Гэтыя людзі спрабавалі разбурыць маю рэпутацыю і маё жыццё сваім паклёпам. Гэта спроба правалілася. Цяпер яны засяродзілі сваю агрэсію на дзецях...» – напісала Сарокіна.

Сарокінай прыйшлося пакінуць пасаду кіраўніка федэрацыі шахмат і з'ехаць з Беларусі пасля выбараў 2020 года.