Хакеісты менскага «Дынама» нанеслі чарговы ўдар па Таракану

• 25.11.2021, 19:54

Падпольны хакейны абкам дзейнічае.

У чарговым матчы КХЛ менскае «Дынама» саступіла па булітах «Металургу» (5:4). Адзначым, што перад пачаткам трэцяга перыяду «зубры» вялі 4:0, паведамляе tribuna.com.

Такім чынам, каманда Крэйга Вудкрафта пацярпела шэсць параз запар. У 13 апошніх сустрэчах менскае «Дынама» здабыла толькі дзве перамогі.

Цяпер «зубры займаюць сёмае месца ў Заходняй канфэрэнцыі. У наступным матчы беларуская каманда прыме «Трактар».