БАР падвёў вынікі 26-га дня забастоўкі

• 25.11.2021, 19:45

Звальненні набываюць агульнанацыянальны характар.

Каманда Беларускага аб'яднання працоўных падвяла вынікі дваццаць шостага дня забастоўкі.

Колькасць непрацоўнага насельніцтва захоўваецца ў раёне 1 млн з 4,2 млн працаздольнага насельніцтва. Гэта звольненыя, якія пайшлі ў адпачынак, захварэлі на каранавірус і іншыя сезонныя захворванні, якія выйшлі ў забастоўку.

Звальненні набываюць агульнанацыянальны характар. Нам паступіла інфармацыя аб тым, што хваля зачыстак дабралася і да Магілёва і Жлобіна. На заводы і ў бальніцы паступаюць два спісы: тых, каго звольніць адразу і тых, каго будуць «трымаць» да канца кантракта. Звальняюць людзей сотнямі. Хто застанецца працаваць - пакуль невядома.

На мяжы тым часам мігранты пачалі пратэставаць супраць быдлячага стаўлення да іх. Жудасныя ўмовы ўтрымання, немагчымасць вярнуцца дадому ці прайсці далей у бок Польшчы толькі абвастраюць абстаноўку.