Лібан заклікаў турфірмы не прапаноўваць туры ў Беларусь

• 25.11.2021, 17:06

Лукашэнку наважылі пакінуць без прылады шантажу.

25 лістапада міністр турызму Лібана Валід Насар даручыў лібанскім турфірмам не рэкламаваць Беларусь як краіну для падарожжаў. Ён разлічвае, што гэта дапаможа ў дужанні з нелегальнай міграцыяй.

Насар адзначыў, што пастанова прынятая ў сувязі з сітуацыяй, якая пагаршаецца на беларуска-польскай мяжы. Некаторыя мігранты з блізкаўсходніх і афрыканскіх краін прыязджаюць у Лібан, каб потым паляцець у Беларусь і патрапіць у Еўразвяз, піша lbcgroup.tv.