У Фінляндыі робаты пачалі дастаўляць пасылкі

• 13.11.2021, 18:06

Робаты перамяшчаюцца па ходніках з хуткасцю пешахода.

У Фінляндыі выйшаў на працу беспілотны робат-паштальён у выглядзе невялікай шафкі на колах. Ён развозіць пасылкі мясцовым жыхарам, падвозячы адпраўленні проста да іх дамоў, піша «Евро пульс».

Робат перамяшчаецца па ходніках з хуткасцю пешахода. Ён абсталяваны спецыяльнай сістэмай выяўлення перашкод і камер, якая дапамагае яму пазбягаць сутыкненняў і «пераходзіць» дарогу паводле правілаў дарожнага руху.

Каб замовіць такую дастаўку, атрымальнік павінен абраць адпаведную опцыю ў дадатку паштовай службы, паказаўшы пераважны час і месца дастаўкі. Як толькі робат прыбудзе ў паказанае месца, ён папярэдзіць атрымальніка, даслаўшы апавяшчэнне з пін-кодам для адкрыцця адсека з пасылкай.