Названы недарагі прадукт для здароўя кішэчніка і ўмацавання імунітэту

• 29.10.2021, 15:22

Даследаванне правялі амерыканскія спецыялісты з Кліўленда.

Калі справа тычыцца здароўя кішэчніка, у рацыён рэкамендуецца ўключаць прабіётыкі. Гэтыя мікраарганізмы дапамагаюць падтрымліваць працу стрававальнага тракта і ўмацоўваюць імунітэт. Дыетолагі мяркуюць, што найлепшай крыніцай карысных бактэрый з'яўляецца кефір, паведамляе eatthis.com.

Экспэртка ў здаровым харчаванні Меліса Рыфкін растлумачыла, што кефір часта змяшчае больш прабіётыкаў, чым натуральны ёгурт. Паводле некаторых звестак, агулам 61 штам бактэрый.

Як адзначылі ў Клініцы Кліўленда, з дапамогай прабіётыкаў можна знізіць запаленчыя захворванні кішэчніка, палепшыць яго працу і паменшыць сімптомы сіндрому раздражнёнага кішэчніка.

Акрамя таго, высветлілася, што прабіётыкі могуць ліквідаваць сімптомы захворванняў, звязаных з бактэрыяй Helicobacter pylori, якая выклікае язвавую хваробу, хранічны атрафічны гастрыт і рак страўніка. Нездаровы кішэчнік можа справакаваць паслабленне імунітэту.