Польскія памежнікі выратавалі з балота шлюбную пару з Ірака

• 28.10.2021, 14:48

Відэафакт.

Уначы з 27 на 28 кастрычніка каля польска-беларускай мяжы недалёка ад вёскі Белавежы патруль вайскоўцаў пачуў крыкі, якія даносіліся з балот на разліве ракі Нараўкі. Выявілася, што ў дрыгве загразлі муж і жонка з Ірака, іх выратавалі. Жонку забралі ў шпіталь, мужа адвезлі на тэрыторыю памежнай заставы, паведамляюць польскія памежнікі.

У выратавальнай аперацыі на балотах бралі ўдзел памежнікі і вайскоўцы. Пасля таго, як былі пачутыя крыкі з боку разліву ракі Нараўкі, у паветра быў узняты робат вайскоўцаў, каб дакладна вызначыць месца знаходжання людзей.