Да +16°С чакаецца ў Беларусі ў чацвер

• 27.10.2021, 18:11

Будзе хмарна з прасвятленнем.

Дажджы і да 16 градусаў цяпла чакаецца ў Беларусі 28 кастрычніка, паведамілі ў Цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Міністэрства прыроды.

У чацвер будзе хмарна з прасвятленнем. Уначы на большай частцы тэрыторыі краіны пройдуць дажджы, удзень месцам прагназуюцца невялікія дажджы. Вецер чакаецца заходні, паўночна-заходні 4-9 м/с, уночы парыванне да 14 м/с.

Тэмпература паветра ўначы складзе плюс 3-9 градусаў, на захадзе да плюс 11. Удзень будзе 10-16 градусаў цяпла.