У Мексіцы знайшлі сотні невядомых артэфактаў мая

• 27.10.2021, 12:58

Больш за ўсё навукоўцаў зацікавілі дзве ўнікальныя пасудзіны.

Уздоўж маршруту будаўніцтва новай чыгункі ў Мексіцы, а менавіта на паўвостраве Юкатан, археолагамі былі знойдзены рэшткі 2500 старажытных збудаванняў дагішпанскіх часоў і 80 пахаванняў, зробленых мая. Інфармацыі аб такім неверагодным адкрыцці была прадастаўленая Нацыянальным інстытутам антрапалогіі і гісторыі Мексікі.

Пра гэта паведамляе Bienvenidos al INAH (пераклад - planetanovosti.com).

Спецыялісты скарысталіся геаграфічнай прывязкай GPS, а таксама тапаграфічнымі здымкамі, атрыманымі з дапамогай спадарожнікаў і датчыкаў LIDAR. Быў даследаваны пляц, размешчаны паміж такімі гарадамі, як Паленке і Эскарсега. Экспэрты адзначаюць, што сярод артэфактаў прысутнічаюць не толькі разнастайныя керамічныя вырабы, а таксама рэшткі максімальна простых дамоў мая, пабудаваных з саломы, але яшчэ і самыя сапраўдныя платформы цырыманіяльнага характару.

Больш за ўсё зацікавілі дзве ўнікальныя пасудзіны, якія маюць ручкі, вырабленыя ў форме жаночых грудзей. Даследнікі лічаць, што такі керамічны посуд мог выкарыстоўвацца выключна элітай падчас важных мерапрыемстваў рэлігійнага ці палітычнага характару. Акрамя таго, мая карысталіся посудам для таго, каб захоўваць у ім парфуму, шакалад і іншыя даволі каштоўныя вадкасці.

Пачатак чыгункі праходзіць праз той рэгіён, дзе раней знаходзілася вельмі шмат плямёнаў мая. Нашчадкі прадстаўнікоў старажытнай цывілізацыі пражываюць на паўвостраве Юкатан да сённяшняга дня. Яны разам з эколагамі пратэстуюць супраць таго, каб будаўніцтва гэтай чыгункі было працягнутае.