Казахстанскія СМІ паведамляюць аб агульнанацыянальнай забастоўцы ў Беларусі

• 26.10.2021, 21:04

З 1 лістапада беларусы пойдуць у адпачынак.

Старшыня Беларускага аб'яднання працоўных Сяргей Дылеўскі абвясціў, што з 1 лістапада ў Беларусі пачынаецца агульнанацыянальны страйк, і заклікаў жыхароў краіны не выходзіць на працу, паведамляе total.kz.

Страйк абвешчаны ў сувязі з тым, што ўлады Беларусі не выконваюць патрабаванні, якія вылучаныя Беларускім аб'яднаннем працоўных. У ліку патрабаванняў - спыненне рэпрэсій і вызваленне ўсіх палітычных зняволеных; прывядзенне заробкаў, стыпендый і пенсій у адпаведнасць з рэальнай эканамічнай сітуацыяй у краіне, а таксама пачатак прамых перамоў паміж уладай і дэмакратычнымі сіламі аб правядзенні новых прэзідэнцкіх і парламенцкіх выбараў.

Сяргей Дылеўскі ў апублікаваным на YouTube відэазвароце падкрэсліў, што выконваць гэтыя патрабаванні ўлады не збіраюцца.

Лідар Беларускага аб'яднання працоўных заявіў, што вытворчасць па ўсёй краіне будзе спыненая, пакуль кожнае з 10 патрабаванняў не будзе выкананае.

Сяргей Дылеўскі падчас масавых пратэстаў пасля абвяшчэння вынікаў прэзідэнцкіх выбараў у Беларусі ўзначальваў страйкам Менскага трактарнага завода (МТЗ).