МЗС Нямеччыны заклікае сваіх грамадзян не наведваць Беларусь

• 25.10.2021, 21:36

Бэрлін заклікаў устрымацца ад паездак у Беларусь праз высокую рызыку заражэння COVID-19.

Міністэрства замежных спраў Нямеччыны заклікала сваіх грамадзян ўстрымацца ад турыстычных паездак у Беларусь праз высокую рызыку заражэння каранавірусам, паведамляецца на сайце МЗС Нямеччыны.

«Беларусь вельмі пацярпела ад COVID-19. Назіраецца выразная тэндэнцыя росту інфекцыйнай актыўнасці; сістэма аховы здароўя адчувае ўсё большую нагрузку», гаворыцца ў актуалізаваных рэкамендацыях для падарожнікаў.

МЗС таксама рэкамендуе сваім грамадзянам на тэрыторыі Беларусі не насіць бел-чырвонае адзенне, сачыць за мясцовымі СМІ і мець на ўвазе што інтэрнэт у краіне можа быць адключаны.