На турму ў Нігерыі напалі ўзброеныя людзі, вызвалілі больш за 500 чалавек

• 25.10.2021, 12:26

Гэта ўжо трэці такі выпадак за год.

Узброеныя людзі напалі на турму на паўднёвым захадзе Нігерыі, вызваліўшы блізу 800 зняволеных. Частку з іх адразу ж схапілі зноў, частка здалася добраахвотна. Аднак больш за 500 чалавек уцяклі, паведамляе hromadske.ua.

Са звестак СМІ, невядомыя напалі на турму ў паўднёва-заходнім штаце Нігерыі Аё з дапамогай дынаміту, падарваўшы сцяну. Яны забілі ахоўнікаў турмы і вызвалілі блізу 800 зняволеных. Пасля гэтага 262 чалавек удалося схапіць зноў, блізу 575 зняволеных ўсё яшчэ знаходзяцца на свабодзе.